wys uff die tisch getheilt gebraten von kalber, lamer
unnd gitzi fleisch, wild gebrätt von gembsen, auch
hasen unnd küngeling, demnach wild gefügel,
gugelhanen,stein- unnd haselhuener, item zam
gefügel, capunen, hanen unnd duben, und dar-
nach in kleinen blätlinen darnebend zů den
trächtlinen oliven, caprees, lymanen, po-
merantzen unnd gebraten pyren. Es war
auch das gebraten unnd das gefügel glich
wie auch das, so in die pasteten gebrucht worden,
allß uff die frantzösische manier gar etlich
gespickt unnd zůgerüst gewesen.
Zum fünften uff das gebraten gesotten kreps,
die man insonderheit hierzů von Büren,
Triengen unnd Sempach, allß da man sy
schöner unnd größer dann anderschwo findt,
bestelt unnd harbringen laßen.
Unnd zum sechsten unnd letsten den käß,
welchen man auch stucks wys uff die tisch
unnd by dem besten, den man gehaben
mögen, alß Schwytzer, Urßner, Saner
unnd derglichen, auch uff jeden tisch
zwey blätlin mit hüpschen kuechlin, auch
gruen oder frisch (doch verndrigs) obs dar-
gestelt unnd ußgetheilt.
An win zů dem mal hatt man auch kein
mangel gelaßen, dann man hierzů ein son-